Сура 102: эт-ТЕКЯАСУР

Текяасур – чокълукъ ярышы ве чокълукънен макътанмакъ демектир. Кевсер суресинден сонъ, Меккеде энген, 8 аеттир. Дждахилие араплары мал, эвлят ве акърабаларынынъ чокълугъыны бир гъурур ве шереф сая, атта бу хусуста яшагъанларнен къанаатленмейип, къабилелерининъ усьтюнлигини кечмишлеринен де исбат этмек ичюн, къабирлерге бара, ольген акърабаларынынъ чокълугъунен макътана эдилер. Суреде оларнынъ бу япкъанлары тенкъит этильмекте ве акъикъий усьтюнликнинъ ахиретте ортагъа чыкъаджагъы анълатылмакъта.

Бисмиляаhирраhмаанирраhиим (Рахман ве рахим олгъан Аллаhнынъ адынен).
1-2 Чокълукъ къурунтысы сизни о дередже мешгъуль этти ки, ниает къабирлерни зиярет эттинъиз.
3-4 Ёкъ! Якъында биледжексинъиз! Эльбетте, якъында биледжексинъиз!
5-8 Акъикъат ойле дегиль! Кесен-кес бильги иле бильген олса эдинъиз, (о ерде) мытлакъа джеэннем атешини корер эдинъиз. Сонъра ахиретте оны ачыкъ козьнен кореджексинъиз. Ниает, о куню (дюньяда файдалангъан) ниметлеринъизден, эльбетте ве эльбетте эсапкъа чекиледжексинъиз.