Сура 86: эт-ТААРИКЪ

Белед суресинден сонъ, Меккеде энген, 17 аеттир. Адыны 1-нджи аетте кечкен «таарикъ» келимесинден алгъан. Таарикъ – геджелейин кельген, шиддетликнен ургъан, къапуны къакъкъан демектир. Суреде кечкен таарикъ исе, гедже зияде нур сачкъан саба йылдызыдыр. Миджазий оларакъ, намлы адамгъа да айтылыр. Бир бедиий ифаде оларакъ да, джахилие девринде кельген Аз. Пейгъамбер де, геджени айдынлаткъан ве сабаны мужделеген саба йылдызына бенъзетильген ола билир.

Бисмиляаhирраhмаанирраhиим (Рахман ве рахим олгъан Аллаhнынъ адынен).
1-4 Кок юзюне ве таарикъкъа (саба йылдызына) емин этерим. Таарикънынъ не олгъаныны не ерден биледжексинъ? (О, къаранлыкъны) делиджи йылдыздыр. Ич кимсе ёкътыр ки, узеринде бир къорчалайыджы, бир козетиджи олмасын.
5-8 Инсан неден яратылгъанына бир бакъсын! Атылгъан бир сувдан яратылды. (О сув) сыртнен кокюс къафеси арасындан сыкъар. Иште, Аллаh (башлангъычта бу шекильде яраттыгъы) инсанны текрар яратмагъа да къадирдир.
9-10 Гизленгенлернинъ ортагъа чыкъкъан куньде, инсан ичюн не бир кучь, не де бир ярдымджы бар.
11-17 Дёнюш саиби олгъан (ягъмур ягъдыргъан) кокке, (осюмликнен) ярылгъан ерге емин этерим ки, Къур'ан (хакъ иле батылны) айыргъан бир сёздир. О, асла бир шакъа дегильдир. Олар бир тузакъ къурарлар, мен де бир тузакъ къурарым. Кяфирлерге мухлет бер, оларны бираз озь алларына быракъ (пек якъында санъа ярдымымыз келеджек).