Сура 97: эль-КЪАДР

Къадир гедджесинден сёз эткени ичюн, бу адны алгъан. Абесе суресинден сонъ, Меккеде энген, 5 аеттир. Суреде Къадир геджесинден, онынъ фазилетинден, о геджеде мелеклернинъ ер юзюне энювинден баас этиле.

Бисмиляаhирраhмаанирраhиим (Рахман ве рахим олгъан Аллаhнынъ адынен).
1 Биз оны (Къур'анны) Къадир геджесинде эндирдик.
2 Къадир геджесининъ не олгъаныны сен билесинъми?
3 Къадир геджеси бинъ айдан хайырлыдыр.
4 О геджеде, Рабблерининъ изнинен, мелеклер ве Рух (Джебраил), эр иш ичюн энер турарлар.
5 О гедже селяметлик толудыр. Та феджрнинъ догъувына къадар.